មនុស្សដែលចូលចិត្តសើចភាគច្រើនជាមនុស្សដែលពិបាកចិត្ត

មនុស្សដែលចូលចិត្តសើចភាគច្រើនជាមនុស្សដែលពិបាកចិត្ត

មានមនុស្សជាច្រើនដែលព្យាយាមខំលាក់ទុកនៅរាល់ការឈឺចាប់ឬការពិបាកចិត្តរបស់ខ្លួនដោយមិនអោយអ្នកណាម្នាក់ដឹងពីរឿងទាំងនោះឡើយ។វាប្រៀបដូចជារូបខ្ញុំដែលកំពុងមានរឿងពិបាកចិត្តជាច្រើនចូលមកក្នុងជីវិតប៉ុន្តែរូបខ្ញុំតែងតែបង្ហាញ ស្នាមញញឹម សើចសប្បាយនឹងបង្កើតបរិយាកាសរីករាយទៅកាន់អ្នកជុំវិញខ្លួន។

មូលហេតុដែលរូបខ្ញុំតែងតែសើចសប្បាយនៅមុខមិត្តឬអ្នកដ៏ទៃដោយសារ ៖

លាក់បាំង ៖ មនុស្សម្នាក់ៗតែងតែមានរឿងអាថ៍កំបាំងរៀងៗខ្លួន។ពេលខ្លះយើងដឹងហើយថាវាជារឿងដ៏ឈឺចាប់ប៉ុន្តែយើងនៅតែញញឹមនឹងសើចនៅមុខគេដោយមិនអោយពួកគេដឹងពីវាឬរឿងនោះបែកធ្លាយឡើង។

ឧទាហរណ៍ ​៖ គ្រួសាររបស់យើងកំពុងមានបញ្ហាឈ្លោះគ្នាហើយប៉ាម៉ាក់ចង់លែងលះគ្នា។ពេលនោះកូនៗពិតជាពិបាកចិត្តយ៉ាងខ្លាំងប៉ុន្តែពេលទៅដល់ក្នុងសាលារៀនពួកយើងត្រូវញញឹមនឹងសើចនៅមុខមិត្តរបស់យើងដើម្បីកុំអោយពួកគេសង្ស័យឬដឹងរឿងទាំងនោះ។

សណ្តំចិត្ត ៖ មានតែការនិយាយលេងសើចជាមួយមិត្តឬអ្នកដ៏ទៃទេដែលអាចជួយបន្លប់ការឈឺចាប់ទាំងនោះបាន។ជាការពិតណាស់ទោះបីយើងមានរឿងពិបាកចិត្តខ្លាំងយ៉ាងណាក្តីអោយយើងនិយាយលេងឬកម្លែងជាមួយមិត្ត។រឿងទាំងនោះអាចអោយយើងរំសាយអារម្មណ៍មួយគ្រាផងដែរ។ឧទាហរណ៍ ៖ នៅពេលយើងមិនសប្បាយចិត្តហើយយើងលើកយករឿងកម្លែងណាមួយមកនិយាយគ្នាលេងជាមួយពួកម៉ាក់ហើយពេលនោះពួកគេនឹងបង្កើតបរិយាកាសសប្បាយរីករាយមកលើរូបយើងវិញ។វាក៏អាចជួយរំសាយអារម្មណ៍តានតឹងបានមួយចំនួនដែរ។

សរុបសេចក្តីមកមនុស្សដែលចូលចិត្តលេងសើច ចេះកម្លែងនឹងសើចសប្បាយភាគច្រើនពួកគេជាមនុស្សដែលពិបាកចិត្តខ្លាំង។ស្នាមញញឹមនឹងសម្លេងសើចរបស់ពួកគេកាន់តែខ្លាំងវាដូចបង្ហាញអោយឃើញថាពួកគេមានរឿងពិបាកចិត្តកាន់តែច្រើន។