មាត្រា ១០៦._ ការអនុវត្ដកិច្ចការ

 

មាត្រា ១០៦._ ការអនុវត្ដកិច្ចការ

១-សមាជិកត្រូវអនុវត្ដកិច្ចការរបស់នីតិបុគ្គលសាជីវកម្មទទួលខុសត្រូវគ្មានកម្រិត ។

២-កិច្ចការរបស់នីតិបុគ្គលសាជីវកម្មទទួលខុសត្រូវគ្មានកម្រិត ត្រូវអនុលោមតាមសេចក្ដីសម្រេចដោយផ្អែកលើមតិលើសពីពាក់កណ្ដាលនៃចំនួនសមាជិកលើកលែងតែមាន​ការ​​កំណត់ផ្សេងនៅក្នុងលក្ខន្ដិកៈ ។

៣-ក្នុងករណីមានកំណត់នៅក្នុងលក្ខន្ដិកៈ អំពីសមាជិកដែលត្រូវអនុវត្ដកិច្ចការរបស់នីតិបុគ្គលសាជីវកម្មទទួលខុសត្រូវគ្មានកម្រិត សមាជិកដែលបានកំណត់នោះត្រូវអនុវត្ដកិច្ចការរបស់នីតិបុគ្គលសាជីវកម្មទទួលខុសត្រូវគ្មានកម្រិតនោះ ។

៤-បើសមាជិកដែលបានកំណត់នៅក្នុងកថាខណ្ឌទី៣ ខាងលើនេះ មានចំនួនច្រើនរូប កិច្ចការរបស់នីតិបុគ្គលសាជីវកម្មទទួលខុសត្រូវគ្មានកម្រិត ត្រូវអនុលោមតាមសេចក្ដីសម្រេចដោយផ្អែកលើមតិលើសពីពាក់កណ្ដាលរបស់សមាជិកនោះ លើកលែងតែមានការកំណត់ផ្សេងនៅក្នុងលក្ខន្ដិកៈ ។

៥-ទោះជាមានបញ្ញត្ដិនៃកថាខណ្ឌទី២ និង កថាខណ្ឌទី៤ ខាងលើនេះក៏ដោយកិច្ចការប្រចាំថ្ងៃរបស់នីតិបុគ្គលសាជីវកម្មទទួលខុសត្រូវគ្មានកម្រិត អាចអនុវត្ដដោយសមាជិកគ្រប់ៗរូប ។ ក្នុងករណីដែលបានកំណត់នៅក្នុងកថាខណ្ឌទី ៣ ខាងលើនេះ មានតែសមាជិកដែលបានកំណត់នៅក្នុងកថាខណ្ឌនោះទេ ដែលអាចអនុវត្ដកិច្ចការប្រចាំថ្ងៃបាន ។ ប៉ុន្ដែ បញ្ញត្ដិនេះមិនត្រូវយកមកអនុវត្ដឡើយ ចំពោះករណីដែលសមាជិកផ្សេងតវ៉ាអំពីការអនុវត្ដកិច្ចការប្រចាំថ្ងៃ មុននឹងកិច្ចការនោះត្រូវបានបញ្ចប់ ។