មាត្រា ១០៧._ តំណាងនៃនីតិបុគ្គល

 

មាត្រា ១០៧._ តំណាងនៃនីតិបុគ្គល

១-សមាជិកត្រូវតំណាងឱ្យនីតិបុគ្គលសាជីវកម្មទទួលខុសត្រូវគ្មានកម្រិត។ ប៉ុន្ដែក្នុងករណីដែលបានកំណត់នៅក្នុងកថាខណ្ឌទី៣ នៃមាត្រា ១០៦ (ការអនុវត្ដកិច្ចការ)នៃក្រមនេះ មានតែសមាជិកដែលបានកំណត់នៅក្នុងកថាខណ្ឌនោះ ដែលត្រូវតំណាងឱ្យនីតិបុគ្គល។

២-បើមានសមាជិកច្រើននាក់ដែលត្រូវតំណាងឱ្យនីតិបុគ្គលសាជីវកម្មទទួលខុសត្រូវគ្មានកម្រិត ដោយយោងតាមបញ្ញត្ដិនៃកថាខណ្ឌទី១ ខាងលើនេះ សមាជិកម្នាក់ៗនោះត្រូវតំណាងឱ្យនីតិបុគ្គលនោះដោយរៀងៗខ្លួន។ ប៉ុន្ដែ នីតិបុគ្គលសាជីវកម្មទទួលខុសត្រូវគ្មានកម្រិតអាចកំណត់ជាពិសេសនូវអ្នកដែលត្រូវតំណាងឱ្យនីតិបុគ្គល ក្នុងចំណោមសមាជិកទាំងនោះ ដោយយោងតាមលក្ខន្ដិកៈ ឬ តាមមតិយល់ស្របនៃសមាជិកទាំងអស់បាន។

៣-បញ្ញត្ដិស្ដីពីអភិបាលត្រូវយកមកអនុវត្ដដូចគ្នាផងដែរ ចំពោះសមាជិកដែលត្រូវតំណាង ឱ្យនីតិបុគ្គលសាជីវកម្មទទួលខុសត្រូវគ្មានកម្រិត។