Margeting (ទីផ្សារ)

Margeting (ទីផ្សារ)

១. អ្វី់់ជាផលិតផល?

ផលិតផលគឺជាអ្វីៗដែលក្រុមហ៊ុនមួយបានផ្ដល់ទៅឲ្យទីផ្សារដើម្បីបំពេញចំណង់ចំណូលចិត្ត(want) និងតំរូវការ​(need) នៃទីផ្សារនោះ។ ផលិតផលអាចជាទំនិញ( goods)  និងសេវាកម្ម(service)ឬក៏បញ្ចូលគ្នា។

២. ថ្នាក់នៃផលិតផល

ថ្នាក់នៃផលិតផលគឺភាពខុសគ្នានៃផលិតផលគឺអាស្រ័យទៅលើផលិតផលនោះជាទំនិញប្រើប្រាស់ឬជាទំនិញឧស្សាហកម្ម។(ថ្នាក់នៃផលិតផលមានផលិតផលប្រើប្រាស់ ផលិតផលឧស្សាហកម្មឬផលិតផលជំនួញ។

៣. ផលិតផលខ្សែ និងផលិតផលចំរុះ

- ផលិតផលខ្សែ គឺជាក្រុមនៃផលិតផលដែលមានលក្ខណៈប្រហាក់ប្រហែលគ្នាចំពោះការបំពេញចិត្តអតិថិជន​ ការប្រើប្រាស់និងការលក់ទៅឲ្យក្រុមអតិថិជនដូចគ្នា ប្រើប្រាស់បណ្ដាញចែកចាយដូចគ្នា​នឹងត្រូវបានលក់ក្នុងកំរិតថ្លៃប្រហាក់ប្រហែលគ្នា។

- ផលិតផលចំរុះ គឺសំដៅទៅលើចំនួននៃផលិតផលដែលក្រុមហ៊ុនមួយដែលមិនអាចកាត់ផ្ដាច់ពីគ្នាបាន និងផ្គត់ផ្គង់ទៅឲ្យទីផ្សារ។

៤. ចំណាត់ថ្នាក់នៃផលិតផលប្រើប្រាស់

ចំណាត់ថ្នាក់នៃផលិតផលប្រើប្រាស់មាន ៤គឺៈ

- ផលិតផលងាយស្រួលៈ គឺជាផលិតផលទាំងឡាយណាដែលអ្នកប្រើប្រាស់អាចរកទិញបានដោយងាយ និងជាប្រចាំដោយមិនបាច់ចំណាយពេលនឹងខំប្រឹងច្រើនក្នុងការដើររកទិញ។

- ផលិតផលរកទិញៈ គឺជាផលិតផលដែលអ្នកប្រើប្រាស់ត្រូវចំណាយពេលដើម្បីរកទិញ និងធ្វើការប្រៀបធៀបជម្រើសផ្សេងៗទាក់ទងនឹងថ្លៃគុណភាពឬម៉ូដមុននឹងធ្វើការសម្រេចចិត្តទិញ។

- ផលិតផលពិសេសៈ គឺជាផលិតផលដែលអ្នកប្រើប្រាស់់ត្រូវចំណាយពេលវេលាយូរ និងការខំប្រឹងជាពិសេសដើម្បីស្រាវស្វែងរកទិញ។

- ផលិតផលមិនស្វែងរកៈ គឺជាផលិតផលដែលអតិថិជនមិនដែលស្គាល់ ឬដឹងថាមាននៅទីផ្សារ ឬក៏ដឹងថាមានហើយតែមិនដែលគិតថាពួកគេនឹងទិញផលិតផលទាំងនោះ។

៥. ថ្នាក់នៃផលិតផលឧស្សាហកម្ម ឬផលិតផលជំនួញ

ប្រភេទនៃផលិតផលឧស្សាហកម្មឬជំនួញមានៈ

-  ផលិតផលតំឡើង             

-  ផលិតផលបន្ថែម

-  វត្ថុធាតុដើម

-  គ្រឿងផ្សំ

-  សំភារៈផ្គត់ផ្គង់ ឬគ្រឿងបន្លះ

-  សេវាកម្មជំនាញ

៦. សមាសភាពផលិតផល

-  លក្ខណៈពិសេសនៃផលិតផល

-  ជំរើសមុខងារផ្សេងៗ

-  សេវាដែលផ្សារភ្ជាប់ជាមួយ

-  ផ្លាកសញ្ញា(នាមសញ្ញាញ)

-  ការធានា

-  សំបកវេចខ្ចប់់(ខ្ចប់ដំបូង ខ្ចប់ទីពីរ និងខ្ចប់ដឹកជញ្ជូន)

៧. អ្វីទៅជាផលិតផលថ្មី?

ថ្មីបើប្រៀបធៀបជាមួយផលិតផលមានស្រាប់ ថ្មីតាមការកំណត់នៅក្នុងច្បាប់ ថ្មីតាមទស្សនៈក្រុមហ៊ុន ថ្មីតាមទស្សនៈអ្នកប្រើប្រាស់។

៨. ហេតុអ្វីបានជាផលិតផលថ្មីបរាជ័យ?

ទីផ្សារគោលដៅមានទំហំតូចពេក ចំនុចខុសប្លែកនៃផលិតផលមានកំរិតតិចតួច ផលិតផលមានគុណភាពទាប ផលិតផលមិនអាចទៅដល់ទីផ្សារ​ពេលវេលាមិនអំណោយផល ការអនុវត្តម៉ាឃីតធីងចរុះនៅមានកំរិតទាប។

៩. ហេតុអ្វីក្រុមហ៊ុនបង្កើតផលិតផលថ្មី?

 ជំនួសផលិតផលចាស់ រក្សាប្រាក់ចំណេញ និងជំរុញការលក់ តទល់ផលិតផលគូរប្រជែង ចង់បានចំណែកទីផ្សារផ្សេងៗ។

១០.​ដំណើរការបង្កើតផលិតផលថ្មី

ដំណើរការបង្កើតផលិតផលថ្មីមាន ៦ជំហ៊ានៈ

ជំហ៊ានទី១៖ ការបង្កើតគំនិត អាចមានប្រភពៈអ្នកប្រើប្រាស់(សួរព័ត៌ មាន) អ្នកលក់(ការរអ៊ូរទាំ) បុគ្គលិកក្រុមហ៊ុន អ្នកស្រាវជ្រាវនិងអភិវឌ្ឍន៍ (ជួលអ្នកស្រាវជ្រាវឬធ្វើដោយខ្លួនឯងដោយមិនបង្ហា្ពពីអត្តសញ្ញាណរបស់ខ្លួន) គូរប្រជែង

ជំហ៊ានទី២៖ ការសម្រាំងនិងវាយតម្រៃគំនិតៈ អ្នកវាយតម្លៃគំនិតមានប្រភពគឺ

-  ប្រភពខាងក្នុងៈ អ្នកវិទ្យាសាស្រ្ត វិស្វករ​ បុគ្គលិក...

-  ប្រភពខាងក្រៅៈ អតិថិជន អ្នកលក់ សាធារណៈជន...

ជំហ៊ានទី៣៖ ការវិភាគអាជីវកម្ម

-  លក្ខណៈផលិតផល និងយុទ្ធសាស្រ្តម៉ាឃីតធីងចំរុះ

-  លទ្ធភាពហិរញ្ញវត្ថុ និងប្រាក់ចំណេញ

-  សេដ្ឋកិច្ច និងច្បាប់នៃការបង្កើតផលិតផលថ្មី

ជំហ៊ានទី៤៖ ការបង្កើតផលិតផលថ្មីៈ រៀបចំសង្វាក់ផលិតកម្ម . រៀបចំគំរូផលិតផល . រៀបចំសមាសធាតុផ្សំ ​​​​​​​​​​​​​​​​​​​​​​​​​​. ធ្វើតេស្តពិសោធន៍

ជំហ៊ានទី៥៖ ការធ្វើតេស្តទីផ្សារៈ ស្វែងយល់អំពីប្រតិកម្មអតិថិជនចំពោះផលិតផលទៅលើ គុណភាព ថ្លៃលក់ ការចែកចាយ ការផ្សព្វផ្សាយ ឥរិយាបថអតិថិជន

ជំហ៊ានទី៦៖ ការធ្វើអាជីវកម្មផលិតផលនៅលើទីផ្សារៈ ផែនការ និងសកម្មភាពម៉ាឃីតធីងចំរុះក៍ត្រូវចាប់ផ្ដើមអនុវត្ត ដូចជាការផលិតផលិតផល ការដាក់ថ្លៃលក់ ការបែងចែកលក់ ការផ្សព្វផ្សាយ។

១១. វដ្តជីវិតនៃផលិតផល

វដ្តជីវិតនៃផលិតផលគឹៈ ដំណាក់កាលចូលទីផ្សារ ដំណាក់កាលលូតលាស់ ដំណាក់កាលទ្រឹង និងដំណាក់កាលធ្លាក់ចុះ។

១២. លក្ខណៈនៃថ្លៃៈ

ថ្លៃដែលអ្នកបានបង់ទៅលើទំនិញនិងសេវាកម្មគឺមានឈ្មោះផ្សេងៗ

- ថ្លៃសិក្សា ថ្លៃឈ្នួល ថ្លៃប្រាក់ខែ ថ្លៃកំរៃជើងសារ។

១៣. អ្វីទៅហៅថាថ្លៃ?

ថ្លៃគឺជាសាច់ប្រាក់ ឬឯកតាផ្សេងៗទៀតរួមមានទំនិញនិងសេវាកម្មដែលត្រូវបានគេប្រើប្រាស់ ក្នុងការទូទាត់ ឬដោះដូរការប្រើប្រាស់ ឬកម្មសិទ្ធិលើទំនិញ ឬសេវាកម្មផ្សេងទៀត។

១៤. ការវិភាគចំណេញ ខាត(ការវិភាគចំនុចស្រង់ដើម)

- ចំនុចស្រង់ដើម(គិតជាបរិមាណផលិតផល)=​ចំណាយថេរ(ប្រាក់ខែ​ឈ្នួលអាគារ)\[ថ្លៃក្នុងមួយឯកតា-ចំណាយប្រែប្រួលក្នុងមួយឯកតាដែលប្រែប្រួលទៅតាមបរិមាណឯកត្តាផលិតផលបាន]

-  ចំណាយសរុប= ចំណាយថេរ​ +ចំណាយប្រែប្រួល

១៥. វិធីសាស្រ្តថ្លៃដាក់ថ្លៃ

វិធីសាស្រ្តថ្លៃដាក់ថ្លៃមាន ៤វិធីសាស្រ្តៈ

-      វិធីសាស្រ្តផ្ដោតលើតំរូវការ

-      វិធីសាស្រ្តផ្ដោតលើថ្លៃដើម

-      វិធីសាស្រ្តផ្ដោតលើប្រាក់ចំណេញ

-      វិធីសាស្រ្តផ្ដោតលើកំរិតប្រកួតប្រជែង

១៦. វិធីសាស្រ្តផ្ដោតលើតំរូវការ

ការដាក់ថ្លៃខ្ពស់នៅពេលដំបូងៈ ដើម្បីទាក់ទាញក្រុមអតិថិជនគោលដៅដែលមិនមានរំញោចថ្លៃ ដោយដឹងថាពូកគេមានតម្រូវការខ្លាំងទៅលើផលិត ផលថ្មី ហើយមានបំណងចង់ទិញ។

ការដាក់ថ្លៃទាបនៅពេលដំបូងៈ ដើម្បីទាក់ទាញទីផ្សារទាំងមូលនេះ គឺជាវិធីមួយដ៏ឈ្លាសវៃ​បើសិនជានៅលើទីផ្សារអតិថិជនដែលមានបំណងចង់ទិញក្នុងតម្លៃខ្ពស់មានចំនូនតិចតួចហើយតម្រូវការមានភាពយឺត។

ការដាក់ថ្លៃកិត្តិស័ព្ទៈ អ្នកប្រើប្រាស់អាចប្រើថ្លៃជាខ្នាតវាស់គុណភាព ឬកេរ្តិ៍ឈ្មោះផលិតផលដែលពួកគេទិញ ការដាក់ថ្លៃផលិតផលមួយក្នុងកម្រិតខ្ពស់ដើម្បីទាក់ទាញអតិថិជន ដែលគិតពីឋានៈនិងកេរ្តិ៍ឈ្មោះក្នុងការប្រើប្រាស់ផលិតផល។

ការដាក់ថ្លៃជាលក្ខណៈផលិតផលខ្សែៈ គឺជាវិធីសាស្រ្តនៃការដាក់ថ្លៃដែលអ្នកលក់និយមប្រើទៅលើផលិតផលខ្សែដោយគេបង្កើតនួវកំរិតថ្លៃខុសៗគ្នា សំរាប់ផលិតផលមួយប្រភេទដោយយោងទៅតាមគុណភាពរបស់វា។

ការដាក់ថ្លៃអាស្រ័យផលិតផលបំពេញគ្នាៈ ពាក់ព័ន្ធជាមួយគ្នាជាក្រុមផលិតផលមួយដែលអ្នកលក់ដាក់ថ្លៃផលិតផលមួយទៀតតែក្នុងបំណងបានចំណេញខ្ពស់ពីផលិតផលមួយទៀតដែលអ្នកទិញសុខចិត្តទិញជាមួយគ្នា។

ការដាក់ថ្លៃចំពោះផលិតផលទិញជាក្រុមៈ ក្រុមហ៊ុនមួយតែងតែលក់ផលិតផលផ្សេងៗគ្នាជាច្រើន គេប្រើវិធីសាស្រ្តដាក់ថ្លៃបែបនេះគឺដាក់ថ្លៃលើក្រុមផលិតផល​ឬផលិតផលច្រើនដែលទិញក្នុងពេលតែមួយដោយយកថ្លៃសរុបក្នុងកំរិតមួយទាបដើម្បីលើកទឹកចិត្តដល់អ្នកទិញ។

ថ្លៃចិត្តសាស្រ្តៈ អ្នកលក់ទាំងឡាយគួរពិចារណាពីការដាក់ថ្លៃផងដែរ​ ថ្លៃចិត្តសាស្រ្តគឺជាវិធីសាស្រ្តដែលផ្ដល់នូវការទាក់ទាញ ជាពិសេសដល់អតិថិជនគោលដៅ។

១៧. វិធីសាស្រ្តផ្ដោតលើថ្លៃដើម

ការដាក់ថ្លៃផ្អែកលើភាគរយនៃថ្លៃលក់ភាគរយនៃថ្លៃលក់ ការដាក់ថ្លៃផ្អែក លើភាគរយនៃថ្លៃដើម។

១៨. វិធីសាស្រ្តផ្ដោតលើប្រាក់ចំណេញ

ការដាក់ថ្លៃតាមគោលដៅប្រាក់ចំណេញ ការដាក់ថ្លៃដោយផ្អែកលើគោលដៅនៃចំនូលពីការលក់ការដាក់ថ្លៃដោយផ្អែកលើចំណូលពីការវិនិយោគ។

១៩. វិធីសាស្រ្តផ្ដោតលើកំរិតប្រកួតប្រជែង

-  ការដាក់ថ្លៃខ្ពស់ជាង ស្មើ ឬទាបជាង ថ្លៃលើទីផ្សារ

-  ការដាក់ថ្លៃខាត(ថ្លៃថោកជាងគេ លក់ឆ្លាស់ចុះឆ្លាស់ឡើង)

-  ការប្រកាសដេញថ្លៃ

២០. ក្របខណ្ឌច្បាប់នៃការដាក់ថ្លៃ

ក្របខណ្ឌច្បាប់នៃការដាក់ថ្លៃៈ ច្បាប់ហាមចំពោះការដាក់ថ្លៃ

ការដាក់ថ្លៃថេរៈ ក្រុមហ៊ុនពីរ ឬច្រើនបានរួមគ្នាដាក់ថ្លៃផលិតផលក្នុងកម្រិតមួយថេរ ដែលធ្វើឲ្យមានការខាតបង់ដល់ក្រុមហ៊ុនផ្សេងៗទៀតដែលមានចំនែកខ្ពស់ និងចំនែកទីផ្សារតូចមានការពិបាកក្នុងការកែតម្រូវថ្លៃទៅតាមស្ថានភាពនៃការប្រកួតប្រជែង។

ការរើសអើងថ្លៃៈ ការលក់ផលិតផលដែលមានកម្រិតគុណភាពដូចគ្នា ទៅឲ្យអតិថិជនដូចគ្នា​តែក្នុងតម្លៃដូចគ្នា។

ការដាក់ថ្លៃទាបៈ​ ជាការដាក់ថ្លៃក្នុងកំរិតមួយទាបដើម្បីរុញច្រានគូប្រកួតប្រជែងផ្សេងៗទៀតឲ្យចេញពីទីផ្សារ។

២១.លក្ខណៈនិងសារៈសំខាន់នៃបណ្ដាញចែកចាយម៉ាឃីត ធីង

ទំនិញទាំងអស់ត្រូវបាននាំយកទៅដល់ដៃរបស់អ្នកប្រើប្រាស់ដោយសារ​បណ្ដាញចែកចាយម៉ាឃីតធីងដែលមានបុគ្គលនិងក្រុមហ៊ុនជាអ្នកផលិតទំនិញ និងសេវាកម្មដើម្បីបំពេញតម្រូវការប្រើប្រាស់របស់អ្នកប្រើប្រាស់គ្រប់ប្រភេទ។

- ពាក្យប្រើសំរាប់ភ្នាក់ងារកណ្ដាល

- Middleman គឺជាភ្នាក់ងារកណ្ដាលទាំងអស់ដែលធ្វើសកម្មភាពទីផ្សារ ពីអ្នកផលិតទៅកាន់អ្នកប្រើប្រាស់ចុងក្រោយ។

- Agent or Broker គឺជាភ្នាក់ងារកណ្ដាលដែលបានទទួលសិទ្ធិក្នុងការបំពេញសកម្មភាពអ្វីមួយជំនួសឲ្យអ្នកផលិត និងទទួលបានកម្រៃជើងសារ។

- Wholesaler គឺជាភ្នាក់ងារកណ្ដាលដែលលក់ផលិតផលទៅឲ្យភ្នាក់ងារកណ្ដាលផ្សេងៗទៀត។

- Retailer គឺជាភ្នាក់ងារកណ្ដាលដែលលក់ផលិតផលបន្តទៅឲ្យប្រើប្រាស់ចុងក្រោយ។

- Distributor= Dealer គឺសំដៅទៅលើភ្នាក់ងារកណ្ដាលដែលបំពេញមុខងារច្រើនប្រភេទក្នុងការផលិតគិតទាំងសកម្មភាពលក់គ្រប់គ្រងសារពើភ័ណ្ឌ ផ្ដល់ឥណទាន។

២២. រចនាសម្ព័ន្ធនិងការរៀបចំបណ្ដាញចែកចាយមានៈ

+ បណ្ដាញចែកចាយម៉ាឃីតធីងសំរាប់ទំនិញនិងសេវាកម្មប្រើប្រាស់ៈ

- Product (រោងចក្រ អ្នកផលិត) ទៅកាន់ Consumers (អ្នកប្រើប្រាស់)

- Product ទៅកាន់ Retailer (អ្នកលក់រាយ) ទៅកាន់ Consumers

-Productទៅកាន់ Wholesaler(អ្នកលក់ដុំ) ទៅកាន់  Retailer ទៅកាន់ Consumers

-  Product ទៅកាន់ Agent (ភ្នាក់ងារៈទទួលបានកំរៃជើងសារ) ទៅកាន់ Wholesalerទៅកាន់ Retailer ទៅកាន់ Consumers

+ បណ្ដាញចែកចាយម៉ាឃីតធីងសំរាប់ទំនិញនិងសេវាកម្មឧស្សាហកម្ម

-  Product ទៅកាន់ Industrial Users (អ្នកប្រើប្រាស់ឧស្សាហកម្ម)

-  Product ទៅកាន់ Industrial distributor (អ្នកចែកចាយឧស្សាហកម្មបន្ត)ទៅកាន់ Industrial Users

-  Product ទៅកាន់ Agent ទៅកាន់ Industrial Users

-  Product ទៅកាន់ Agent ទៅកាន់ Industrial distributor ទៅកាន់Industrial Users

+  បណ្ដាញចែកចាយម៉ាឃីតធីងដោយផ្ទាល់ៈ

-  ការលក់តាមការបញ្ជារទិញតាមសំបុត្រ

-  ការលក់តាមរយៈការផ្ញើសំបុត្រផ្ទាល់

-  ការលក់តាមរយៈសៀវភៅកាត់តាឡុក

-  ការលក់តាមរយៈទូរស័ព្ទ

-  ការលក់តាមរយៈការផ្សព្វផ្សាយតាម កាសែតឬ ឌីសវីឌីអូ

-  ការទិញតាមរយៈការមើលទូរទស្សន៍តាមផ្ទះ

២៣. ការដឹកជញ្ជូន

ការដឹកជញ្ជូន គឺបានផ្ដល់នូវមធ្យោបាយដ៏សំខាន់ក្នុងការនាំយកទំនិញពីកន្លែងមួយទៅកន្លែងមួយទៀតនៅក្នុងប្រព័ន្ធភស្តុភារ។ មធ្យោបាយដឹកជញ្ជូនមាន៥គឺ់ៈ

- ផ្លូវដែកៈ រថភ្លើង​

- ផ្លូវថ្នល់ៈ ផ្លូវជាតិ ផ្លូវលំ

- ផ្លូវអាកាសៈ យន្តហោះ

- តាមបំពង់បង្ហូរៈ គឺជាមធ្យោបាយដឹកជញ្ជូនទំនិញ ឬផលិតផលពីទីតាំងមួយទៅទីតាំងមួយទៀតតាមរយៈបំពង់បង្ហូរដែលត្រូវបានគេប្រើប្រាស់តាមផ្លូវទឹក ក្រោមដី និងតាមមធ្យោបាយផ្សេងៗទៀត។

- ផ្លូវទឹកៈ កប៉ាល់ កាណូត ទូក សាឡាង

២៤. លក្ខណៈវិនិច្ឆ័យទៅលើការសម្រេចចិត្តលើមធ្យោបាយ ដឹកជញ្ជូន

-  ចំណាយ (Cost) ៖ឆ្លងប្រទេស ឡាន​​រថយន្ត ប្រេងឥន្ធនៈ

-  ពេលវេលាៈ កំណត់ល្បឿន

-  សមត្ថភាពដឹកជញ្ជូន

-  កំរិតទុកចិត្ត

-  ទីកន្លែងទៅដល់

២៥. ដំណើរការទំនាក់ទំនងព័ត៌មានៈ

Sender=> Encoding=> Message Channel => Decoding => Receiver => Feed Back

២៦. ការផ្សព្វផ្សាយចំរុះមានៈ

១.ការលក់ដោយបុគ្គលិកផ្ទាល់

២.ការលក់ដោយផ្ដល់រង្វាន់លើកទឹកចិត្ត

៣.ការទំនាក់ទំនងសាធារណៈ

៤.ការផ្សាយពាណិជ្ជកម្ម

២៧. ​​​​​​​​ការលក់ដោយបុគ្គលិកផ្ទាល់

 គឺជាសកម្មភាពនៃការជំរុញការលក់ដែលគេបង្កើតដោយតម្រូវឲ្យមានទំនាក់ទំនងផ្ទាល់រវាងបុគ្គលិកលក់និងអ្នកទិញ។

ក. តួនាទីនិងសារៈសំខាន់នៃការលក់ដោយបុគ្គលិកផ្ទាល់មានៈ

- ចំណងទំនាក់ទំនងដ៏សំខាន់រវាងក្រុមហ៊ុននិងអតិថិជន

ជាក្រុមហ៊ុនតាមទស្សន

-  របស់អតិថិជន

- បំពេញតួនាទីដ៏សំខាន់បំផុតនៅក្នុងកម្មវិធីម៉ាឃីតធីងក្រុមហ៊ុន

២៨. ការលក់ដោយផ្ដល់រង្វាន់លើកទឹកចិត្ត

ការលក់ដោយផ្ដល់រង្វាន់លើកទឹកចិត្តគឺជាវិធីមួយដែលគេប្រើក្នុងសកម្មភាពនៃការជំរុញនៃការលក់ចំរុះ។ ការលក់ដោយផ្ដល់រង្វាន់លើកទឹកចិត្តមានពីរប្រភេទៈ

១-ការលើកទឹកចិត្តចំពោះអ្នកប្រើប្រាស់៖ ប័ណ្ណបញ្ចុះតម្លៃ ការបញ្ចុះថ្លៃរយៈពេលខ្លី ការផ្ដល់រង្វាន់ឬបញ្ចុះថ្លៃពិសេស ការផ្ដល់រង្វាន់លើកទឹកចិត្ត ផលិតផលគំរូ ការដាក់តាំងផលិតផល។

២-ការលើកទឹកចិត្តចំពោះភ្នាក់ងារកណ្ដាល៖ ការផ្ដល់ទំនិញដោយឥតគិតថ្លៃ ការផ្ដល់ថវិកាសំរាប់ផ្សាយពាណិជ្ជកម្ម ឬដាក់តាំងផលិតផល  ការផ្ដល់ការបណ្ដុះបណ្ដាលបុគ្គលិកដោយឥតគិតថ្លៃ  ការបញ្ចុះថ្លៃទំនិញ។

២៩. ការទំនាក់ទំនងសាធារណៈ

ការទំនាក់ទំនងសាធារណៈ គឺសំដៅទៅលើកម្មវិធីទាំងឡាយដែលរៀបចំឡើងដើម្បីជំរុញនិងការពារនូវកេរ្តិ៍ឈ្មោះនិងផលិតផលរបស់ក្រុមហ៊ុន។

+ការទំនាក់ទំនងសាធារណៈអាចធ្វើតាមរយៈ

-  ការផ្សព្វផ្សាយសាធារណៈ annual report , brochure

-  ព្រឹត្តិការណ៍ផ្សេងៗ : News conferences, seminar

-  ការធ្វើបឋកថាៈ In meeting, Opening (ជួលអ្នកប្រាជ្ញមកនិយាយ)

-  សកម្មភាពសេវាសាធារណៈ

-  ការផ្សព្វផ្សាយអត្តសញ្ញាណក្រុមហ៊ុន : Logo

៣០. ការផ្សាយពាណិជ្ជកម្មៈ

ការផ្សាយពាណិជ្ជកម្មៈ គឺជាទម្រង់នៃការបញ្ជូនព័ត៌មានដោយប្រយោលប៉ុន្តែត្រូវបានគិតកំរ៉ៃ។

-  ការផ្សាយពាណិជ្ជកម្មចែកចេញជាពីរប្រភេទៈ

- ការផ្សាយពាណិជ្ជកម្មផ្ដោតលើផលិតផល

- ការផ្សាយពាណិជ្ជកម្មបង្កើនកេរ្ដិ៍ឈ្មោះក្រុមហ៊ុន

៣១. គោលដៅនៃការផ្សាយពាណិជ្ជកម្មមានបីៈ

- ការផ្សាយពាណិជ្ជកម្មផ្ដល់ព័ត៌មាន

- ការផ្សាយពាណិជ្ជកម្មបញ្ចុះបញ្ចូល

- ការផ្សាយពាណិជ្ជកម្មរំលឹក

៣២. និស្សិតត្រូវប្រកបដោយអំណាចបីយ៉ាង៖

- ជំនាញច្បាស់លាស់

- ព័ត៌មានទាក់ទងនឹងជំនាញ

- សីលធម៌ និងគុណធម៌

ប្រភព៖ https://savrymoeuk.blogspot.com