មាត្រា ៦៧._ ការបង្វែរទ្រព្យសម្បត្ដិដែលនៅសល់

 

មាត្រា ៦៧._ ការបង្វែរទ្រព្យសម្បត្ដិដែលនៅសល់

១-ការបង្វែរទ្រព្យសម្បត្ដិដែលនៅសល់ បន្ទាប់ពីការសងចំពោះកាតព្វកិច្ចទាំងអស់ ក្រោយការរំលាយនីតិបុគ្គល ត្រូវអនុលោមតាមសេចក្ដីកំណត់ក្នុងលក្ខន្ដិកៈ ។

២-ចំពោះនីតិបុគ្គលសាជីវកម្ម បើការបង្វែរទ្រព្យសម្បត្ដិដែលនៅសល់មិនអាចកំណត់តាមបញ្ញត្ដិនៃកថាខណ្ឌទី ១ ខាងលើនេះបានទេ ការបង្វែរនោះ ត្រូវអនុលោមតាមសេចក្ដីសម្រេចនៃមហាសន្និបាតសមាជិកនៃនីតិបុគ្គលសាជីវកម្មទទួលខុសត្រូវមានកម្រិត ឬ តាមការយល់ព្រមរបស់សមាជិកទាំងអស់នៃនីតិបុគ្គលសាជីវកម្មទទួលខុសត្រូវគ្មានកម្រិត ។

៣-ទ្រព្យសម្បត្ដិនៅសល់ ដែលមិនអាចកំណត់ការបង្វែរបាន តាមបញ្ញត្ដិនៃកថាខណ្ឌទី១ និង ទី ២ ខាងលើនេះ ត្រូវបានទៅរតនាគារជាតិ។