មាត្រា ៧១._ មុខងារ និង សិទ្ធិអំណាចរបស់អ្នកជម្រះបញ្ជី

 

មាត្រា ៧១._ មុខងារ និង សិទ្ធិអំណាចរបស់អ្នកជម្រះបញ្ជី

១-អ្នកជម្រះបញ្ជីត្រូវអនុវត្ដនូវមុខងារដែលបានកំណត់នៅចំណុចនីមួយៗខាងក្រោមនេះ ៖

ក-បំពេញបង្ហើយនូវកិច្ចការបច្ចុប្បន្នរបស់នីតិបុគ្គល ។

ខ-ប្រមូលសិទ្ធិលើបំណុល និង សងកាតព្វកិច្ច ។

គ-ប្រគល់ទ្រព្យសម្បត្ដិដែលនៅសល់ ។

២-បើមានអ្នកជម្រះបញ្ជីច្រើនរូប កិច្ចការរបស់នីតិបុគ្គល ត្រូវអនុលោមតាមសេចក្ដីសម្រេចដោយ​មតិ​លើស​ពីពាក់កណ្ដាលនៃចំនួនអ្នកជម្រះបញ្ជី ។

៣-បញ្ញត្ដិនៃមាត្រា ៥៨ (សិទ្ធិតំណាងរបស់អភិបាល) នៃក្រមនេះ ត្រូវយកមកអនុវត្ដដូចគ្នាផងដែរ ចំពោះ​អ្នកជម្រះបញ្ជី។ ប៉ុន្ដែ បើតុលាការជ្រើសតាំងអ្នកជម្រះបញ្ជីច្រើនរូប តុលាការអាចជ្រើសតាំងអ្នកតំណាង ឬ ជ្រើសតាំងសហតំណាង ពីចំណោមអ្នកជម្រះបញ្ជីនោះ។